叔．叔 (短評) (2020年10月15日)

其實

之前一直都無諗住睇《叔．叔》嘅

因為，正如我之前的《幻愛》影評所言

題材太沉重

上年(2019年)6月開始

我已經好少入戲院（之前耐唔耐都會入下，尤其是之前冇裝Netflix，有啲日本/外國的小品愛情電影真係要戲院先有得睇）

因為娛樂對於其他仍然努力緊嘅人來講，好似好奢侈

而且，每晚一啲令人崩潰的直播，令我沒有心情入場

《幻愛》與《叔．叔》的題材同樣沉重

尤其是《幻愛》，因為那個就是我的初戀，一個刻骨銘心的回憶，我下意識地想去逃避，因為放不下

如果唔係吹大雞，我只想買DVD就算，甚至永不開封

《叔．叔》亦然

但是，《叔．叔》就算再沉重，也比不上《幻愛》

所以，我決定挑戰

見到國際特赦組織香港分會LGBTI小組在fb所落嘅廣告，我就把心一橫去睇

果然，有驚喜

儘管因為我自己白痴睇錯時間冇咗10分鐘 QAQ

但係整體而言，每個人的演繹都恰如其分。

為何這樣說？

因為我自己學過配音，而且自己本身較情緒化、聲線平仄較豐富，但係要做平淡角色時，就滑鐵爐了 = ="

一來自我局限了，二來我的人生那麼戲劇性，要演活一個平淡的角色，對我來說比演繹一個變態殺人魔還要難 T_T

但是戲中的演員，做到了。

不論是作為主角的太保以及富華，以及他們的家人、社區中心的朋友，都好似我現實中會遇到的人。

但係佢哋嘅微表情，令我知道，這不是記錄片，是戲劇

尤其是，拍攝手法用了很多大頭，而這些大頭，幾乎演員們都「食」到

但係，又不會太誇張

而這種淡淡然的日常，我奢望香港的這種日常，在裡面見到。

這套電影同我嘅距離

好近

他們取景的佐治五世紀念公園，因為父親在尖沙咀工作的關係，我由細經過到大（我比較熟尖沙咀）

曾幾何時，我都好想可以好似太保同富華咁

同佢可以買下餸、玩下煮飯仔，坐係廳，一齊睇下電視，一齊喊、一齊笑。

但係因為空間、金錢所限，所以作罷

分別只在於他們喜歡的是同性，我們喜歡的是異性

其實，他們跟我們是一樣的

為何他們不被社會接受？

坦白講，我對同性戀是接受的，但是床上部分，都係唔好啦。

但係，編導有考慮過觀眾的接受能力，所以床戲部分我可以接受。

與其話係床戲，不如話只係釋放出一直以來被社會規限的遏抑。

畢竟我們都被社會抑遏了太長時間了

不是嗎？

心雨．心晴