一秒拳王
老老豆豆，個人呢，就對拳擊與拳擊電影冇咩興趣的（片種唔啱）（我連《激戰》都無睇......），真的純粹因為撐腎仔/撐恆仔/撐港產片的。
15.25的場次，座位有半滿！！！（地區問題？畢竟高先戲院位於市區）
完場後，全部人都睇到The end先走嘅……
正評
我是90後，開頭的懷舊節目，只是從父母口中聽過，不太深刻，稍微hit唔中我……
電影最初，阿仁（周國賢）兒子阿良（熊倬樂）被人欺負，阿仁不但沒有為兒子討回公道，還要求阿良向欺負他的人道歉，今日的香港，情況已屢見不鮮，唉……（無限欷歔×30000）
當然啦，有垃圾站同清道夫，咁個清道夫就一定會係Babyjohn XDD（冇睇《救殭清道夫》嘅就會覺得點解個清道夫會咁靚仔 XP）
打完第一次館內賽後的十字街口遠景，用意非常明顯-----決擇。
「如果
命運能選擇
十字街口你我踏出的每步更瀟灑
如果
活著能坦白
舊日所相信價值不必接受時代的糟蹋」
當年的價值，現今已經蕩然無存了，唉……但願有朝一日，當年的價值可以在這裡重現
當然還會有代表困局的井字型公屋。
張松枝的客串演出令我很意外 AwA~
因為拳總佢哋自以為覺得唔公平，唔抵得人哋有talent，所以就DQ人
14年之後的香港，每日都會發生，現在更多……唉
一見到張建聲走去搵腎仔理論（阿仔都係埋度），都估到會有受傷/意外戲㗎啦……點知中咗，係交通意外
阿仁同阿良病房嗰一幕真係好感動，眼濕濕，直到知道係助聽器無電，阿良講嗰句「7咗」，全場爆笑
阿仁出生時多了一秒預知能力，但兒子阿良就聽力減半，劇本安排得好呀，看似是能力被賦予/奪走，其實視乎如何看待/運用。
最後，作為父親的阿仁，終於都為兒子出頭的那一幕，我希望在我的有生之年，可以看到香港也有這一幕。
明禎呀，其實呢，探病唔使買花的，買生果實際啲
「避唔到，一齊捱」呢句喊咗……
劇本
比上一套《救殭清道夫》有進步，沒有失焦（上一輯愛情線太多，失焦）（另一套失焦嘅係《乜代宗師》），亦都冇夾硬將男女主角拉埋一齊，自然。
而主要感情位落於親情（父子），這種情於這類電影更合適。
演員
周國賢已為人父，所以可能因為如此，演父親投入度高（如果我要剖析，應該要30000thx，所以唔講了XD）
做佢個仔嘅小演員熊倬樂加分
幾欣賞電影中有鏡頭係從阿良角度去望，以及有些阿良會聽到的聲音轉返做一個弱聽者平日所聽到的機械聲。
佢哋直頭係一對真父子
有人話插林明禎入來做女主角，好像有點怪怪的，因為全套戲主要都係用廣東話，無端端有時用半鹹淡的廣東話/國語，有點odd。
但我想話，呢套戲嘅投資為MM2（新加坡）、Medialink（香港）、Fox聯合投資，只起用一個新加坡/馬來西亞演員，真的不算太過分（至少唔係強國的）。（起碼我比較喜歡林明禎）（一聽明禎口音，知道肯定不是強國，而且還設定為台灣人［知道我們比較喜歡台灣］）
之前我可能都會覺得odd，但自前年入職現在的在港日資後，我睇法唔同咗。
係公司中，我日日都會聽到粵、國、英以及日語。
會聽到後面的日籍同事講「話卡呢mask架」、「康多泥？」
會聽到我組的日本經理跟我本地人上司講「Would you mind…...」
會聽到同組同事用著如阿仁同小瑤咁，講半鹹淡的國語與大陸分公司同事溝通（所以，我忍笑忍得好辛苦 XD）
有兩個台灣同事，其中一個不會粵語，另一個都從粵語口音中聽出是台灣人
公司有日、台、港同事，所以我也習以為常。
香港，不就是一個華洋雜處的地方嗎？
這是香港的特色呀！！
否則，何來鴛鴦/奶茶/蛋撻？
《夜香．鴛鴦．深水埗》中用鴛鴦來比喻香港不就是這個意思嗎？
所以，我覺得沒有問題。
唔畀有台灣親戚嗎？=_=”
而亦都因為投資方幾國際性，所以搵來做過《出貓特攻隊》的泰籍演員Chanon Santinatornkul來做阿仁的對手阿Joe。
有一樣真係好欣賞嘅，明禎願意用廣東話，而Chanon Santinatornkul也應導演要求講粵語。
用甚麼國籍的演員都可以（強國除外，政治理由），只要唔係過度用文化入侵/企圖控制他人文化即可。（但強國就係，所以不了）
他們有誠意呀，這點欣賞也顯出他們有「尊重」呀～～
不過，其實可以唔使硬性set泰籍演員Chanon Santinatornkul為香港人（我看到他的姓氏為Cheng，廣東話拼音），因為香港由不同國籍的人組成，設定返做泰籍，音唔準這個pt會更自然（正如明禎）（個人意見）
但是，導演趙善恆的演出……有進步空間。
尤其是，對白方面。
有一啲位，對白講出時語氣要較激動（如訓練緊阿仁、最尾一場打擂台等等），但flat咗（就算角色設定為較冷靜，但係一去到呢啲位，都要畀返少少火/力度，因為呢啲時候，幾冷靜嘅人，第一時間都會係感性行先）
最後，香港人，避唔到，一齊捱!!
PS:自從Golden Scene戲院開咗後，我寧願放工後過海去高先戲院睇……
https://www.facebook.com/105384814705386/posts/220608413183025/
.jpg)
