過時．過節 (聖誕節)

因為千斤（❤男友❤）申請到23號嘅off，所以我哋走咗去食芝士火鍋

上年，因為佢屋企發生巨變，而我亦都唔太想係旺季消費（人多、又迫、又有低消），所以冇勉強佢出去。

今年，佢想補償我，而且亦都因為儀式感，都想做下一般couple 會做嘅事，所以就係好近聖誕的23號，提早兩日去睇戲以及食聖誕大餐。

戲呢，我哋揀咗睇《Wonka》，因為想輕輕鬆鬆唔用腦（畢竟我同佢今年經歷咗好多嘢，我哋都唔想再睇serious嘅話題。）

而晚飯，我揀咗芝士火鍋，因為一來佢未試過，二來我自己都好耐無食(雖然之後會同frd再食)，三來係想同佢一齊食

之前去食，都已經係2018年喇……之後因為種種原因，無心情/入唔到去食，而今年真係因為「想自己以及伴侶都開心」、「想先及時行樂（畢竟呢幾年真係心情比較沉重嘅時間）（坦白講，我再唔開心，都唔會改變到任何嘢）」，所以去咗食，順便同千斤傾下偈。

300/2個人，以聖誕大餐來講算平，雖然係一般平料，但係食得好開心，因為今次係我同佢嘅第一次係過時過節之下做節，亦都傾到我哋都想傾嘅偈，係滿足的一餐

心雨．心晴